Tipo | Super Bowl | ||||||
---|---|---|---|---|---|---|---|
Deporte | Fútbol americano | ||||||
Composto por | |||||||
Participantes | |||||||
Localización e Datas | |||||||
Localización | Los Angeles Memorial Coliseum (Os Ánxeles) 34°00′51″N 118°17′16″O / 34.01417, -118.28778Coordenadas: 34°00′51″N 118°17′16″O / 34.01417, -118.28778 | ||||||
País | Estados Unidos de América | ||||||
Data | 15 de xaneiro de 1967 | ||||||
Competición | |||||||
| |||||||
Primeiro posto | Green Bay Packers | ||||||
O primeiro Partido polo Campionato Mundial da AFC-NFC (inglés: AFL-NFL World Championship Game), coñecido retroactivamente como Super Bowl I, naquela altura chamado de forma informal nos medios ou na retransmisión radiofónica como a Super Bowl,[1] foi o partido que enfrontaba aos campións da National Football League (NFL) e da American Football League (AFL) de fútbol americano de 1966. Por parte da NFL xogaron os Green Bay Packers, que venceron aos Kansas City Chiefs da AFL por 35−10.
Naquela altura existía unha considerábel aversión entre a National Football League (NFL) e a American Football League (AFL). A chegada deste partido supuxo pois unha gran presión por gañar para os equipos campións das respectivas ligas. Os Chiefs chegaban ao partido cun rexistro de once vitorias, dúas derrotas e un empate (11-2-1), e tras vencer aos Buffalo Bills por 31−7 na final da AFL. Por outra banda os Packers acabaran a temporada con doce vitorias e dúas derrotas (12-2), gañando aos Dallas Cowboys por 34–27 na final da NFL. Aínda así, tanto seareiros como xornalistas deportivos consideraban que calquera equipo da máis antiga NFL era inmensamente superior a calquera franquía da novidosa AFL, polo cal se agardaba que os Packers varresen aos Chiefs.[2][3]
A primeira metade da Super Bowl I foi bastante competida, de feito os Chiefs superaron en iardas totais aos Packers, 181–164. Con todo, os de Green Bay acudirían ao descanso gañando 14–10. A comezos do terceiro cuarto, o safety de Green Bay Willie Wood interceptou un pase e retornouno cincuenta iardas até a liña de cinco iardas.[4][5][6] Esta mudanza de posesión levou aos de Green Bay a anotar 21 puntos nos dous últimos cuertos sen resposta por parte do equipo rival. O quarterback dos Packers Bart Starr, que completou 16 de 23 pases (69,57%) para 250 iardas e dous touchdowns, así como unha intercepción, foi nomeado MVP do partido.
Esta edición permanece aínda como a única Super Bowl en ser retransmitida por dúas canles diferentes de forma simultánea. Isto foi debido a que a NBC posuía os dereitos televisivos da AFL, mentres que a CBS tiña os dereitos da NFL, sendo ambas autorizadas a emitir o encontro.[7] O primeiro espectáculo do descanso da Super Bowl consistiu en bandas de música universitarias de Arizona e Grambling State en lugar dos cantantes e músicos habituais nas últimas edicións.